Para os meus mozos e mozas de 6º:
Ademais de que remata o curso e poderedes desfrutar dunhas merecidas vacacións, comeza unha nova etapa. É un final (do que dá mágoa non poder despedirse en outras condicións como outros anos) que dará paso a un novo comezo nun sitio novo, con outras persoas, outras experiencias e futuros logros.
Deséxovos todo o mellor na nova etapa do voso camiño, camiño que moitas veces non será recto, non será doado, pero atoparedes a forma de seguir adiante, avanzando grazas ao voso esforzo.
Como sei que a moitos de vós vos gusta David Rees e puidemos pasar moi bos momentos cantando e tocando a súa canción "De ellos aprendí", agora déixovos a derradeira canción deste curso e da etapa de primaria.
É unha canción en forma de carta escrita desde o "eu futuro" ao "eu do presente".
Escollo dúas mensaxes desta canción que vos dedico para que teñades presente:
- "Sé de sobra que todo va a salir bien".
- "Ve sin miedo".
Escollo dúas mensaxes desta canción que vos dedico para que teñades presente:
- "Sé de sobra que todo va a salir bien".
- "Ve sin miedo".
Cantádea e sacade todo o bo do voso "eu presente" para facer un mellor "eu futuro".
Moitos bicos e unha aperta moi forte!
Ningún comentario:
Publicar un comentario